Psa 23 | TVK | STEP | Suv toto Deved iaxa tetisi Hi Suv, xi di milaxat kuh nou nggoni moletin xa di milaxat kuh sipsip san xil. Holesok xil te meulien navan, xi ti isa ni minou.

Psalms 23

Hi Suv di milaxat kuh nou

Suv toto Deved iaxa tetisi

1 Hi Suv, xi di milaxat kuh nou
nggoni moletin xa di milaxat kuh sipsip san xil.
Holesok xil te meulien navan,
xi ti isa ni minou.
2 Xi del nou nabe von ngengelen xa husmunae meul bos en,
e xi del nou nabe ri oei sal.
3 Hi di misa xeihen hu minou,
e di diamu ni nou e suse xil xa momal
tengan vapet rat hisen.

4 Tave ti neta xa di nabisu ni melengien xil xa nggeih pupu xa be te maten tang, uluk takan ti,
vengan xa xouk, Iahova, odat visal nou.
Nalonge bos vengan nakila xa di oketeh xol nou,
e di osikoe xol meulien navan.

5 Xouk di oduxol xat nou
nggoni ngan xa osak mesen anien tei ve nou pe met elu navan xil.
Xouk di onggur pilei nou nggoni eilep tei,
e osi anien polu e pelet xa osa ni minou.
6 O Iahova, nakila xa hosien e eheien hos nam iti e nou
e melengien xil vus te meulien navan,
e ha nite visaluk e tim sam vehakut.